Gjobat mesa duket nuk janë masa aq të efektshme ndaj pronarëve të lokaleve që thyejnë protokollin e masave anti-Covid.

Një 46-vjeçar në Fushë-Krujë, pronar i një lokali, është gjobitur tre herë me nga 1 milion lekë dhe me mbyllje të aktivitetit për 6 muaj. Megjithatë ai ka vijuar i pashqetësuar punën në subjektin e tij por kjo tashmë mund ti kushtojë lirinë.

Policia e Krujës njofton se ka proceduar penalisht 46-vjeçarin me iniciale Xh.B banues në Fushë Krujë, pasi u konstatua përsëri duke organizuar ceremoni martesore në kundërshtim me Aktin Normativ.

Një rast përsëritës në shkelje të rregullave anti-Covid është konstatuar në Spitallë të Durrësit.

Pronari i një lokali atje megjithëse ishte gjobitur njëherë, kishte organizuar sërish dasëm. Kjo gjë ishte evidentuar nga policia e cila ka vendosur masë administrative 1 milion lekë dhe mbyllje të aktivitetit për një periudhë 6-mujore.