Grupet e të drejtave të kafshëve në Itali po i bëjnë thirrje autoriteteve të heqin dënimin me vdekje të dhënë për një ari që sulmoi një babë e bir që po shëtisnin javën e kaluar në udhën e rezervatit të rajonit verior të Trentino.

Fabio Misseroni, 59 vjeç dhe i biri Christian Misseroni, 28, po shëtisnin në shtegun e Mount Peller kur ata panë ariun që i doli përpara.

Ariu kafshoi këmbën e Misseroni para se babai i tij t’i hidhej kafshës në kurriz në mënyrë që i biri të shpëtonte.

Ariu më pas goditi me putër burrin që po rezistonte duke i thyer këmbën në tre vende. Gjatë kësaj kohe Misseroni bënte zhurmë e i tërhiqte vëmendjen ariut për të lëshuar babanë e tij, derisa kafsha u largua brenda në pyll.

Instituti italian i mbrojtjes mjedisore vendos për eliminimin e të gjithë arinjve që sulmojnë njerëzit. Pas sulmit kryebashkiaku i Trentino, Maurizio Fugatti nënshkroi urdhrin për kapjen dhe eliminimin e ariut, të cilin tashmë autoritetet po e identifikojnë nga ADN e pështymës dhe pellushit që ai la në rrogat e viktimave.

Por në rritje janë thirrjet që ariu të lihet i qetë, ose të paktën derisa të qartësohen rrethanat e ngjarjes.

Ndërkohë rreth 15 mijë njerëz kishin nënshkruar deri sot një peticion për shpëtimin e ariut.