Çmimi i Arabisë Saudite për normalizimin e marrëdhënieve me Izraelin është krijimi i shtetit palestinez me Jerusalemin si kryeqytet, ka thënë një anëtar i lartë i familjes mbretërore saudite të premten, shkruan Al Jazeera.
Princi Turki al-Faidal si duket po i përgjigjej presidentit të SHBA-së Donald Trump, i cili të mërkurën tha se po priste që edhe Arabia Saudite t’i bashkohet Emirateve të Bashkuara Arabe në marrëveshjen me Izraelin për normalizim të marrëdhënieve diplomatike.
Kjo marrëveshje nxiti spekulime se edhe shtetet tjera të Gjirit Persik do të bashkëngjiten, por princi Turki tha se Arabia Saudite, fuqia me e madhe e këtij Gjiri, pret shumë më shumë nga Izraeli, transmeton KOHA.
“Cili do shtet arab që po mendon të bëjë një veprim si Emiratet, duhet si shkëmbim të kërkojë një çmim dhe ky çmim duhet të jetë i madh”, tha ai për gazetën saudite Asharq al-Aësat.
Princi Turki ka qenë ambasador i Arabisë Saudite në SHBA si shef i Agjencisë së Inteligjencës në vendin e tij.
