×
  • Lajme
  • Lajme

    Anulohen seancat për “Veteranët”, shkaku i infektimit të një zyrtari me koronavirus

    FrontOnline
    16 Qershor 2020

    Si pasojë e infektimit me virusin Covid-19, të zyrtarit të teknologjisë informative të Prokurorisë Speciale të Republikës së Kosovës (PSRK), janë anuluar seancat e parapara të mbahen me 17 e 18 qershor, për rastin e shënjestruar për liberalizim të vizave, që në opinion njihet si “Veteranët”.

    Në këtë rast, për keqpërdorim të pozitës apo autoritetit zyrtar, akuzohen ish-kryeministri i Kosovës, Agim Çeku, ish-ministri i Mbrojtjes, Rrustem Berisha, deputeti Shkumbin Demalijaj, si dhe nëntë persona të tjerë.

    Lexo Edhe:
    Anulohen seancat për “Veteranët”, shkaku i infektimit të një zyrtari me koronavirus
    Ata akuzohen për kohën sa ishin pjesë Komisionit Qeveritar për Njohjen dhe Verifikimin e Statusit të Dëshmorit të Kombit, Invalidit, Veteranit, Pjesëtarit dhe të Internuarit të Luftës së UÇK-së, raporton “Betimi për Drejtësi”.

    Zyrtarë nga zyra e kryetares së trupit gjykues, Nushe Kuka-Mekaj, kanë bërë të ditur për “ Betimi për Drejtësi” se palët janë njoftuar me kohë për anulimin e seancave.

    Arsyeja e anulimit, siç u bë e ditur nga zyra e gjyqtares, ka të bëjë me faktin se zyrtari i teknologjisë informative i PSRK-së ishte kërkuar që të prezantojë në gjykatore, që të ndihmohet zyrtari i teknologjisë informative të gjykatës.

    Mirëpo, nga e njëjta zyrë u tha se gjyqtarja është informuar nga PSRK, në formë elektronike, se zyrtari në fjalë është i vetizoluar dhe se kishte rezultuar pozitiv pas testimit të bërë për koronavirus.

    Për “Betimi për Drejtësi”, u bë e ditur se seancat janë anuluar në mënyrë që të ruhet shëndeti i të tjerëve, por edhe për faktin se pa prezencën e zyrtarit të teknologjisë informative nuk do të ishte e mundur që të procedohet më tej me procesin gjyqësor.

    Për seancat e radhës, nga zyra e gjykatëses Kuka-Mekaj u tha se palët do të njoftohen me kohë.

    Ndryshe, Gjykata Themelore në Prishtinë, më 19 qershor të vitit 2019, e kishte konfirmuar aktakuzën, ndërsa këtë vendim e kishte konfirmuar edhe Gjykata e Apelit në gushtin e këtij viti.

    Me aktakuzën e PSRK-së, po ashtu ishte kërkuar që Gjykata Themelore në Prishtinë, që të urdhërohet Ministria e Punës dhe Mirëqenies Sociale (MPMS), që të pezullonte pagesën e pensioneve për 19.500 veteranë, deri në përfundimin e procesit gjyqësor.

    Por, më 1 prill 2019, gjykata e kishte refuzuar këtë kërkesë me arsyetimin se propozimi për masën e përkohshme nuk është ndaj të akuzuarve, por ndaj MPMS-së, si palë e tretë.

    Sipas aktakuzës së përgatitur nga ish-prokurori special, Elez Blakaj, personat e përfshirë akuzohen se prej vitit 2011 deri në vitin 2017, duke vepruar si anëtarë të Komisionit Qeveritar për Njohjen dhe Verifikimin e Statusit të Dëshmorit të Kombit, Invalidit, Veteranit, Pjesëtarit dhe të Internuarit të Luftës së Ushtrisë Çlirimtare të Kosovës, kanë shfrytëzuar detyrën dhe autoritetin zyrtar, duke tejkaluar kompetencat me dashje dhe duke mos i përmbushur detyrat zyrtare, me qëllim që të përfitojnë personat e tjerë në mënyrë të kundërligjshme, në vazhdimësi, në dëm të Buxhetit të Republikës së Kosovës.

    Në këtë aktakuzë janë të përfshirë 12 persona të cilët ngarkohen me veprën penale “keqpërdorimi i pozitës apo autoritetit zyrtar”.

    Siç kishte raportuar “Betimi për Drejtësi”, listës së personave të akuzuar i prinë Agim Çeku, i pasuar nga Nuredin Lushtaku, Sadik Halitjaha, Shkumbin Demaliaj, Qelë Gashi, Shukri Buja, Ahmet Daku, Rrustem Berisha, Faik Fazliu, Smajl Elezaj, Fadil Shurdhaj dhe Xhavit Jashari.

    PSRK-ja, po ashtu i kishte propozuar kësaj gjykate që ta lëshoj masën për ndalimin e pagesës së pensioneve të fituara në mënyrë të kundërligjshme si veteran luftëtarë të UÇK-së, deri në përfundimin e procedurës penale..

    Tutje, sipas PSRK-së, nga provat e siguruara deri më tani është vërtetuar se nga pagesat e kundërligjshme për veteranët luftëtarë të UÇK-së, buxheti i Republikës së Kosovës është dëmtuar në shumë prej 68.153.533.14 euro.

    Ndërsa, me aktakuzën e dorëzuar në gjykatë më 7 dhjetor 2018, pretendohet se buxheti i Republikës së Kosovës është dëmtuar në shumë prej 88.769.217.04 euro.

    KEDS njofton se këto vende do mbesin pa energji elektrike
    Nga Rubrika
    Kronika23 Shtator 2023
    Policia e Kosovës ka bërë të ditur se orët e para të 22 shtatorit është hedhur granatë dore në oborrin e një...
    Lajme23 Shtator 2023
    Remzi Kica, babai i deputetes së LDK-së, Doarsa Kica-Xhelili e cila dikush ishte pjesë e grupit parlamentar e VV-së, ka thënë se...
    Lajme23 Shtator 2023
    Brenda dhjetë vitesh, ekspertet e shohin Forcën e Sigurisë së Kosovës (FSK) anëtare në NATO. Këtë e bazojnë në interesin e dyanshëm...
    Të tjera
    Bota/Rajoni23 Shtator 2023
    Presidenti amerikan Joe Biden, planifikon t’i japë Ukrainës raketa të avancuara me rreze të gjata për të ndihmuar Kievin në kundërofensivë të...
    Kronika23 Shtator 2023
    Është grabitur një punëtor i një poste të shpejtë në Pejë, i cili ka raportuar se i është vjedhur çanta me rreth...
    Kronika23 Shtator 2023
    Dy vajza të mitura janë rrahur nga dy të tjera në fshatin Kovragë të Istogut. Policia ka bërë të ditur se sipas...
    Sport23 Shtator 2023
    Matthijs De Ligt është në një situatë shumë të rëndë, pasi ka humbur vendin e titullarit te Bayern Munich. Trajneri i bavarezëve,...
    Kronika23 Shtator 2023
    Është arrestuar një person në Pejë, pasi i njëjti dyshohet se ka ushtruar dhunë psiqike ndaj babait të tij. Policia ka bërë...
    Kronika23 Shtator 2023
    Është arrestuar një grua në Ferizaj, pasi e njëjta e kishte sulmuar një zyrtare policore e cila ishte duke u marrë me...

    FrontOnline, © 2023 Të gjitha të drejtat e rezervuara.