Përfaqësues të kompanisë  “Cayote Clean Group” janë ankuar në Organin Shqyrtues të Prokurimit (OSHP) kundër vendimit të komunës së Klinës për dhënie te kontratës për tenderin “Shërbime Pastrimi –Mirëmbajtje higjienike e objekteve shëndetësore”, por të njëjtin të mërkurën nuk kanë marrë pjesë në seancën e OSHP-së, raporton “Front Online”.

Në seancën të cilën e ka monitoruar portali “Front Online” përfaqësuesi i komunës së Klinës Abaz Foniqi tha se pajtohet në tersi me vlerësimin e ekspertes së OSHP-së e cila ka  rekomanduar Panelin Shqyrtues të OSHP-së që ta lejë në fuqi vendimin e Autoritetit Kontraktues për dhënie të kontatës, deri sa ankesës e kompanisë “Cayote Clean Group” ta cilësoj si të pabazuar.

“Jemi pajtuar me vlerësimin e Ekspertes Shqyrtuese  dhe kërkojmë te vazhdojmë me procedurat e mëtejshme konform Ligjit të Prokurimit Publik” ka thënë ai.

Gjatë prezantimit në seancë Ekspertja Shqyrtuese  Shkurte Jashanica tha se qëndron mbrapa raportit të dhënë ne ekspertize te datës 30.01.2020, raporton “Front Online”.

Vendimi i Panelit Shqyrtues për këtë aktivitet Prokurimit do të merret në ditët në vijim, deri sa portali “Front Online” do t’u mbaj të informuar në vazhdimësi për rrjedhën e këtij procesi të prokurimit. / Front Online /