Amerikanët kanë një histori të vjetër dashurie me Italinë. Këtë verë, ajo lidhje u ndërpre, dhe italianët po ndiejnë pasojat.

Sipas zyrës së statistikave të qeverisë italiane, gjashtë milionë udhëtarë amerikanë zgjedhin cdo vit Italinë për pushimet e tyre. Të joshur nga “Dolce vita”, bregdeti i mrekullueshëm, ushqimi dhe vera, historia e shumë më tepër, vizitorët amerikanë këtë vit nuk e patën mundësinë që udhëtonin drejt vendit të shumëpreferuar.

Teksa Europa po kapërcen fazën e emergjencës së pandemisë, Amerika me shifrat në përkeqësim mbeti jashtë listave të sigurta të BE-së. Mbyllja e vazhdueshme e kufijve nënkupton se një industri tashmë në vështirësi si turizmi, merr  një goditje tjetër.

Në Europë ka çdo vit 16 milionë mbërritje nga SHBA, e gati gjysma e tyre përqendrohen në Itali, ndaj humbjet e saj në këtë drejtim janë tejet të mëdha. Pasojat ekonomike po ndihen tashmë (vetëm në 2019, turizmi amerikan në Itali solli afro 3 miliardë euro), e përpos kësaj pamja e qyteteve të zbrazura, mbetet gjithashtu mjaft e trishtë.