[wp-story]

Bota/Rajoni

Amerikanët e deportojnë në Gjermani ish-rojën e kampit nazist

Amerikanët e deportojnë në Gjermani ish-rojën e kampit nazist
21:50 | 21 Shkurt 2021

Departamenti i Drejtësisë i Shteteve të Bashkuara të Amerikës ka bërë të ditur se e ka deportuar në Gjermani një banor të Tennessee i cili ka punuar si roje në një kamp përqendrimi nazist gjatë Luftës së Dytë Botërore.

Për Friedrich Karl Berger (95 vjeçar) shtetas gjerman, është dhënë urdhri që të largohet nga Shtetet e Bashkuara në shkurt të këtij viti, pasi një gjykatës amerikan i Emigracionit ka vlerësuar se shërbimi i tij si roje i të burgosurve në kampin e përqendrimit, ka përbërë ndihmë në persekutimit e sponsorizuar të nazistëve, shkruan CNN, transmeton Klan Kosova.

Berger është detyruar të largohet nga SHBA duke u bazuar në Amendamentin Holtzman, i cili ua ndalon të jetojnë në SHBA të gjithë atyre që kanë marrë pjesë në persekutimin nazist.

Gjykata ka konstatuar se Berger ka punuar si roje i armatosur në një kamp në Neuengamme afër Meppen të Gjermanisë.

Shumica e të burgosurve ishin civilë rusë, holandezë, polakë, hebrenj, danezë, letonezë, francezë, italianë dhe kundërshtarë politikë të nazizmit.

Comodita nis 35 kontejnerë me dyshekë për në SHBA

Të tjera