Gjashtë persona mbetën të lënduar në aksidentin e sotshëm tek konviktet në Prishtinë.
Ndërsa, drejtori i Klinikës Emergjente në QKUK, Naser Syla, ka thënë se një prej tyre është në gjendje të rëndë, dhe pesë të tjerët janë në gjendje stabile.
“Janë duke u kryer ekzaminimet e nevojshme”, tha Syla.
Për aksidentin në fjalë, ka dhënë detaje edhe zëdhënësja e Policisë Rajonale në Prishtinë, Flora Ahmeti.
“Sot rreth orës 09:00 kemi pranuar informatën se në udhëkryqin afër konvikteve në Prishtinë , ka ndodhur një aksident trafiku. Në këtë aksident kanë qenë të përfshira, dy automjete të cilat kanë qenë në lëvizje. Si pasojë e aksidentit lëndime trupore kanë pësuar gjashtë persona. Me rastin po merret hetuesia nga njësiti i trafikut rrugor”, tha Ahmeti.
Për Lajmi.net, lexuesit tanë kanë dërguar fotografi të aksidentit të sotëm.