Një aksident trafiku ka ndodhur te Mensa e Studentëve në Prishtinë.
Te udhëkryqi i njohur si te “Mensa e Studentëve” në Prishtinë ka ndodhur një aksident trafiku.
Sipas fotografive që kanë dërguar lexues , policia ka dalë në vendin e ngjarjes.
Sipas po të njëjtit lexues, për shkak të këtij aksidenti janë dëmtuar edhe semaforët dhe tashmë janë jashtë funksionit.
Zëdhënësi i Policisë së Kosovës, Daut Hoxha, ka thënë për lajmi.net, se nga ky aksident janë lënduar dy persona.
“Sot rreth orës 10:35 te semaforët afër Mensës së Studentëve në Prishtinë është shkaktuar një aksident trafiku me lëndime të lehta trupore. Të përfshira në aksident kanë qenë dy automjete. Ndihmë mjekësore nga ky aksident raportohet se kanë kërkuar dy persona dhe pasi kanë marrë trajtimin në Emergjencë në QKUK janë liruar në shtëpi”, ka thënë Hoxha.
