Kreshnik Ahmeti, zv.ministër i Ministrisë së Punëve të Jashtme, u pyet nga gazetarët nëse Asociacioni është kusht për anëtarësimin e Kosovës në KiE.
Në këtë pyetje, Ahmeti u përgjigj se ky zotim duhet të adresohet pas anëtarësimit.
“Neni 11 i raportueses Bakoyannis tregon qartë se zotimi duhet të adresohet pas anëtarësimit, dje në seancën plenare dëgjuam nga njëri prej drejtuesve të grupit më të madh politik në Asamblenë Parlamentare se Këshilli i Evropës është Këshilli i Evropës e jo Bashkimi Evropian, pra nuk duhet të ndërlidhen proceset që kanë të bëjnë me dy organizata të pavaruara nga njëra tjetra. Raporti i Bakoyannis nuk e parasheh këtë. Propozimet për me fut Asociacionin si parakusht janë refuzuar nga shumica dërrmuese”, u shpreh ai tutje.
