Kryetari i Prishtinës, Shpend Ahmeti ka thënë se mbi 7 mijë biznese kanë aplikuar për grant, prej të cilave, nuk kanë kaluar në mënyrën automatike 2 mijë e pesë biznese.
Në një postim në Facebook, Ahmeti theksoi se 726 biznese kanë qenë të mesme ose të mëdha që nga ATK klasifikohen si biznese me qarkullim mbi 50 mijë euro.
“Lista e eliminuar do të publikohet me numra fiskal. Në qoftë se mendoni se arsyeja është e pasaktë – pra që ATK nuk e ka informatën atëherë do të hapim edhe procesin e ankesave. Pra për infromata të psakta, por jo edhe për kriteret sepse ai proces ka përfundu”, ka shkruar ai pos tjerash.
Postimi i plotë:
Nga mbi 7,000 biznese që kanë aplikuar për grant nuk kanë kaluar në mënyrë automatike 2005 biznese
726 biznese kanë qenë biznese të mesme ose të mëdha që nga ATK klasifikohen si biznese me qarkullim mbi 50,000 euro
637 biznese të regjistruara sivjet – sepse ky fond nuk ishte për startup, pra ideja ka qenë biznese që pandemia i ka zënë në befasi
300 biznese nga Komunat tjera – granti ka qenë për Prishtinë
112 biznese – numri fiskal nuk ekziston në ATK
57 biznese me numër fiskal të duplifikuar
54 biznese që nuk janë aktive më – granti ka qenë për biznese aktive
23 barnatore – nuk kanë qenë të ndaluara asnjëherë
98 furra – nuk kanë qenë të ndaluara asnjëherë
Lista e eliminuar do të publikohet me numra fiskal. Në qoftë se mendoni se arsyeja është e pasaktë – pra që ATK nuk e ka informatën atëherë do të hapim edhe procesin e ankesave. Pra për infromata të psakta, por jo edhe për kriteret sepse ai proces ka përfundu.
Ju falemnderit.