Enti i Çështjeve Fetare të Turqisë (Diyanet) njoftoi se agjërimi i individëve të shëndetshëm nuk përbën një rrezik specifik për përhapjen e llojit të ri të koronavirusit (Covid-19).
Në deklaratën e bërë nga Këshilli i Lartë i Çështjeve Fetare të Diyanetit, thuhet se qytetarët kanë parashtruar shumë pyetje në lidhje me agjërimin në muajin e shenjtë të Ramazanit për shkak të epidemisë së Covid-19.
Diyaneti në deklaratë kujton se çdo adhurim do të kryhet sipas parimeve të fesë islame, vendi dhe kushtet përcaktohen me shpalljen, ndërsa thuhet se agjërimi i individëve të shëndetshëm nuk përbën rrezik të veçantë për përhapjen e sëmundjes.
“Gjithashtu nuk ka asnjë provë mjekësore të bazuar në prova që agjërimi ndikon negativisht në imunitet, por ka botime shkencore që agjërimi ka efekte pozitive mbi sistemin imunitar”, thuhet në deklaratën e lëshuar nga Enti i Çështjeve Fetare të Turqisë (Diyanet).
