Mijëra protestues janë mbledhur në kryeqendrën e Malit të Zi, Podgoricë, të dielën mbrëmje duke valuar flamujt nacional ndërsa kanë protestuar kundër përdorimit të simboleve nacionaliste serbe nga partitë opozitare që kanë fituar zgjedhjet javën e kaluar, shkruan agjencia Reuters.
Protestuesit kanë bërë thirrje: “Kjo nuk është Serbi” dhe “Ne nuk e japim Malin e Zi”.
Partia DPS e Millo Gjukanoviqit, humbi zgjedhjet parlamentare javën e kaluar, ndonëse mori numrin më të madh të votave. Ai nuk do të jetë në gjendje të formojë Qeverinë për herë të parë që nga viti 1990.
Partitë opozitare, përfshirë Fronto Demokratik pro-serb, kishin organizuar tubime për të festuar fitoren duke valuar flamuj serbë dhe duke ngritur tre gishta, gjest i njohur si përshëndetje serbe.
Të dielën njerëzit filluan të mblidheshin në Podgoricë në pasdite duke valuar flamuj nacional.
“Erdha nga Cetinje për të dhënë përkrahjen për Malin e Zi, si gjithmonë. Nuk e japim shtetin tonë”, ka thënë një nga protestuesit, Milo Martinoviq.
Sipas të dhënave të policisë në tubimin në Podgoricë ishin rreth 50 mijë vetë.
