Kryetari i Sindikatës së Bashkuar të Arsimit, Shkencës dhe Kulturës (SBAShK), Rrahman Jashari e ka quajtur të papranueshëm vendimin fundit të Gjykatës Kushtetuese për pavlefshmërinë e ligjit të Pagave në sektorin publik, raporton Front Online.

Jashari për Front Online ka thënë se së shpejti bashkë me sindikatat tjera të sektorit privat do të vendosin për hapat e mëtutjeshëm që do t’i ndërmarrin lidhur me këtë çështje.

LEXO EDHE: Kushtetuesja vendos për Ligjin për Paga

Ai nuk e ka përjashtuar mundësinë e sërishme të një greve.

Jashari paralajmëron se muaji shtator kur edhe pritet të fillojë viti i ri shkollor të nis me probleme.

“Për ne është një lajm i keq. Është pritur me vite që ky Ligj të bëhet. Kam frikë që shtatori mund të fillojë me telashe. Ngase mësimdhënësit do të jetë shumë të zhgënjyer, pasi e kanë pritur me vite këtë Ligj. Në shtator mund edhe të mos fillojë mësimi si duhet por të fillojë me grevë”, tha Jashari për Front Online.

LEXO EDHE: A do të futet në protestë Policia e Kosovës? Flasin për Front Online nga Sindikata

Gjykata Kushtetuese e ka shpallur të pavlefshëm Ligjin për Pagat në sektorin publik, duke e pranuar kërkesën e Avokatit të Popullit pas ankesave të disa sindikatave.

Pas dy pezullimeve, Gjykata ka vendosur që ky ligj në tërësi nuk është në përpuethshmëri me disa nene të Kushtetutës së Kosovës. /FrontOnline/