Ish-zëvendëskryeministri i Kosovës, Haki Abazi ka reaguar ndaj lajmeve se MCC kishte bllokuar fondet. Ai tha se është gënjeshtër si shumë të tjerat.
Përmes një postimi në Facebook, Abazi tha se kanë komunikuar gjatë gjithë kohës, ka pasur takime të drejtpërdrejta dhe virtuale gjatë pandemisë me përfaqësuesit e MCC, lidhur me punën dhe angazhimin e tyre në disa studime fizibiliteti.
Që sipas tij, janë gabim të filluara sepse nuk janë pjesë e ndonjë plani zhvillimor strategjik, i cili tha se “ Ashtu siç nuk ka qenë edhe kontrata me Contour Global të nënshkruar nga qeveria e kaluar e Haradinaj e që Kosova rrezikon të humb koti 19 milion euro”.
“Qeveria ilegale po vazhdon të shërbehet me gënjeshtra sepse MCC nuk i ka 200 milion euro dhe që disa vite nuk ka shpenzuar as edhe 1 milion euro në Kosovë, e që poashtu siç edhe me shumë Fonde tjera të shpenzuara pa plan, rezultatet kanë qenë minimale për të mos thënë edhe me efekte negative. Natyrisht duke qenë pa legjitimitet e njëkohësisht edhe pakurriz qeveria ilegale vazhdon të kapet për fije të kalbura për të shpëtuar e mbuluar konfliktet e përplasjet për zyra e karrige”, ka shkruar Abazi.
