Getinjo dhe Vivien Thano janë çifti i parë i krijuar në Big Brother VIP Kosova.

Ata po shijojnë një kohë të mrekullueshme brenda shtëpisë së famshme, gjersa janë në njohje e sipër me njëri-tjetrin.

Ish-konkurrentja e programit të dashurisë “Love Story” ka folur së fundmi për marrëdhënien e tyre dhe mënyrën se si e shohin prindërit e saj nga jashtë.

Kjo pasi kaçurrelja thekson se ata nuk i duan djemtë me tatuazhe dhe se ka qenë në takime gjithmonë me djem të urtë.

“Nuk e di, unë kam hallin tim me Getin me nënën, si janë gjërat andej, a janë tërbuar a janë çmendur. Kam hall se nuk dua se ata nuk janë mësuar me mua me një çun me tatuazhe. Unë gjithmonë kam qenë më çuna babi. Gjithmonë çuna të urtë. Unë Getin nuk e kam njohur, nuk e di as çfarë bën ky jashtë. Jashtë kushedi si i ka ato fansa, gjëra. Mua më zë tmerri ashtu. Nuk është punë xhelozie”, u shpreh Vivieni.

“Jam mësuar dikush të më rri në kohë. Se po nuk ke kohë, unë iki. Kush ka pasur lidhje me këto situatash, kush ka dashur i ka mbajtur”, tha më tej ajo.

Pritet të shihet në vazhdim se si do të shkojë romanca e tyre e dashurisë.