Holanda është bërë kombëtarja e parë që kualifikohet në fazën çerekfinale të Kupës së Botës “Katar 2022”.
“Tulipanët” e zhvilluan sot ndeshjen e eliminimit direkt ndaj Shteteve të Bashkuara të Amerikës, shkruan FrontOnline.
Ndeshja që u zhvillua në “Khalifa International Stadium” i takoi Holandës me rezultat 3:1.
Në pjesën e parë, holandezët shënuan dy gola përmes Memphis Depay (’10) dhe Daley Blind (’45+1).
Kurse, në pjesën e dytë, Holanda e vulosi kualifikimin me golin e Denzel Dumfries në minutën e 81-të.
Golin e vetëm dhe të nderit për amerikanët e shënoi Wright në minutën e 76-të të ndeshjes.
Në çerekfinale, Holanda do të përballet me fituesin e ndeshjes Argjentinë – Australi./FrontOnline/
