Deputetja nga Lista Guxo, Doarsa Kica-Xhelili, po raportohet se ka dhënë dorëheqje nga kjo parti, sipas burimeve të Paparacit.

Bazuar në këto burime, tashmë edhe aktivistët kanë mësuar për dorëheqjen e deputetes që ishte parë si njëra nga figurat qendrore te partia “Guxo”.

Ky medium gjithashtu thotë se ka mësuar që ka pakënaqësi te mëdha dhe mundësi që një pjesë e tyre të tërhiqen pas dorëheqjes së Kica-Xhelilit.

Front Online ka tentuar të kontaktojë deputeten për këtë çështje, por ajo s’ka qenë e disponueshme. Askush po ashtu nga kolegët e saj partiak të deritashëm nuk është bërë i “gjallë” lidhur me këto zhvillime.

Doarsa- Xhelili i ishte bashkuar e Iniciativës së Vjosa Osmanit në listën “GUXO” dhe garoi në listën e LVV-së në zgjedhjet e fundit