Gjykata e Hagës hodhi poshtë kërkesën e gjeneralit Nebojsha Pavkoviq për lirim të parakohshëm, edhe pse ai ka vuajtur dy të tretat e dënimit 22-vjeçar për krime kundër shqiptarëve të Kosovës.
Në vendimin e publikuar sot, kryetari i gjykatës, Carmel Agius, ka theksuar se Pavkoviq është dënuar për krime shumë të rënda dhe se nuk ka treguar se e ka pranuar mjaftueshëm përgjegjësinë në burg dhe është rehabilituar.
Si dëshmi për këtë, Adjius deklaroi se Pavkoviç – në disa intervista me mediat serbe dhe në dy libra që shkroi në një burg në Finlandë – ka shkruar tregime “të rreme”i kundër krimeve në Kosovë, duke sfiduar përgjegjësinë e tij, “duke madhështuar autorët” dhe duke i quajtur me përbuzje ‘shqiptari’.
Gjykatësi Adjius vlerësoi gjithashtu se gjenerali Pavkoviq mund të rrezikojë dëshmitarët në gjendje të lirë dhe se ekziston rreziku që ai të kryejë përsëri një krim.
Gjenerali Pavkoviç kreu dy të tretat e dënimit më 28 gusht dhe autoritetet finlandeze e quajtën sjelljen e tij në burg “të patëmetë”.
Pavkoviç u dorëzua vullnetarisht në gjykatën e Hagës në vitin 2005. Gjykata e Hagës e dënoi me 22 vjet burg në vitin 2013 për persekutimin e popullatës shqiptare nga Kosova, gjatë bombardimeve të NATO-s në vitin 1999, kur ishte komandant i Armatës së Tretë të Ushtrisë Jugosllave.
Gjykata e shpalli atë fajtor për të pesë akuzat – transferim me forcë, dëbim, vrasje dhe persekutim të popullsisë shqiptare nga Kosova. Këto akte cilësohen si krime kundër njerëzimit dhe shkelje të ligjeve dhe zakoneve të luftës.
Së bashku me Pavkoviqin, me dënime të gjata për të njëjtat krime u dënuan edhe gjenerali i policisë Sreten Lukiq, politikani Nikola Shainoviq dhe gjeneralët e UJ-së, Vladimir Lazareviç dhe Dragoljub Ojdaniç. Këta të fundit u liruan më herët pasi kishin kryer dy të tretat e dënimit./FrontOnline/
