“Rishqyrtimi i marrëveshjes për Demarkacion me Malin e Zi është në dorë të Qeverisë së Republikës së Kosovës”.

Kështu ka thënë për Front Online, deputetja e LDK-së, Valentina Bunjaku.

Ajo thotë se Kurti i ka fituar zgjedhjet duke u premtuar qytetarëve këtë kauzë.

“Kjo mbetet në dorën e kryeministrit kanë me dalë me dhënë përgjegjësi para qytetarit, me të cilat kauza i ka fituar zgjedhjet, njëra ndër kauzat ka qenë edhe kjo për demarkacionin edhe ka premtuar. Është mirë që premtimet e dhëna në fushatë elektorale, me i mbajt edhe pas fushatës elektorale sa është në Qeveri”, tha ajo.

Mirëpo, nëse vendoset një gjë e tillë, Bunjaku për Front Online tha se do ta përkrah.

“Unë si deputete do ta përkrahi”, deklaroi ajo.

Ndryshe, kryeministri Albin Kurti pati thënë se po e pret formimin e qeverisë së re në Mal të Zi që t’i fillojë takimet e përbashkëta ndërmjet Qeverisë së Kosovës dhe asaj të Malit të Zi, ku temë diskutimi sipas tij do të jetë edhe çështja e demarkacionit me këtë shtet, i ratifikuar katër vjet më parë./Front Online/