Luana Vjollca ka kohë prej kur është larguar pak nga ekrani.

Fansat e saj janë pritje që ajo të rikthehet në televizion, por së fundi ajo ka punuar më shumë në muzikë.

Kjo pasi Luana bëri të ditur se ka nisur punën për projektin e saj të ri muzikor, në studion e kompozitorit të njohur maqedonas, Darko Dimitrov.

Përmes disa fotografive dhe videove të publikuara nga moderatorja, ka treguar se atje ndodhet bashkë me këngëtaren e njohur kosovare, Adelina Thaçi.

Duke mos dhënë shumë detaje, Luana dhe Adelina duket se ia kanë kaluar mirë gjatë regjistrimit të këngës së re të Luanës në studion e Darkos.

Nuk dihet nëse bëhet fjalë për një bashkëpunim mes dy këngëtareve, apo Adelina është gjendur thjeshtë për t’i ndihmuar në ushtrimin e vokalizave Luanës, pasi Thaçi ushtron profesionin e saj si profesoreshë e kantos.

Mbetet të presim dhe të shohim nëse po na vjen bashkëpunimi i tyre.