Klubi nga Anamorava, Gjilani po vazhdon me përgatitje intensive në Antalia të Turqisë në prag të fillimit të stinorit pranveror.

Skuadra që drejtohet nga Ismet Munishi ka zhvilluar edhe disa ndeshje miqësore, ku marrë rezultate pozitive, raporton FrontOnline.

Derisa afati kalimtar dimëror është në ditët e fundit, Gjilani nuk është se është treguar mjaft aktiv në këtë periudhë.

Gjilani që synon titullin e kampionit këtë edicion duket se i ka futbollistët e duhur për trajnerin Munishi.

Por, në këto ditë të fundit të afatit kalimtar dimëror, mund të ketë disa lëvizje te gjilanasit.

Siç mëson FrontOnline, futbollisti i talentuar, Muhamed Dubova pritet të transferohet në kampionatin sllovak.

Gazeta mëson se palët janë ende në bisedime, derisa marrëveshja mund të finalizohet shumë shpejt.

Nga ana tjetër, Redon Ismajli është rikthyer nga huazimi dhe do të jetë nën urdhrat e Munishit në vazhdim të kampionatit.

Për fund, FrontOnline mëson Gjilani mund ta bëjë një befasi duke transferuar “bomberin” nga Nigeria, Patrick Eze.

29-vjeçari është pa klub që prej largimit nga Al-Ahli këtë muaj, teksa ai e ka një karrierë të bujshme.

Më parë, Eze është paraqitur te Kukësi, Al-Ramtha, Rakow, Konyaspor, Denizlispor, Fujairah, Mladost, Rad dhe në disa klube tjera.

Ndryshe, Gjilani e ka mbyllur stinorin vjeshtor në Superligën e Kosovës në vendin e parë me 35 pikë, një më pak se rivali lokal, Drita./FrontOnline/