Mbrëmë nga shtëpia më e famshme në Shqipëri, “Big Brother VIP” është larguar përfundimisht Ardit Çuni, kjo ishte hera e dytë e tij që u largua nga shtëpia pasi që herën e parë, ai kishte fatin që në vazon e tij të ishte “bileta kthyese” për në shtëpi.
Kësaj here ai ishte në nominim me ish-futbollistin, Granit Cana, por për shkak që këngëtarja kosovare, Fifi kishte të drejtë të largonte njërin nga dy të nominuarit, ajo vendosi që të zëvendësonte Granitin me aktorin, Donald Veshaj.
Por, një gjë që nuk shfaqur në transmetim të spektaklit të “Big Brother VIP” ishte momenti kur mbesa e ish-presidentit të Shqipërisë, Bujar Nishanit, Beniada, u alivanos pas daljes së Arditit nga shtëpia.
Të gjithë banorët janë larguar nga holli, duke shkuar në drejtim të dhomës së gjumit që të ndihmojnë modelen e cila e përjetoi keq largimin e Arditit
Ishte, Igli ai i cili tregoi se modeles i ka rënë të fikët dhe ndihej keq.
Kujtojmë se dyshja Ardit – Beniada kishin krijuar një miqësi brenda shtëpisë e që shpeshherë u aludua që mes tyre mund të ketë diçka më shumë se shoqëri.
* BIG Brother VIP Albania mund ta ndiqni ekskluzivisht në platformën IPKO, në dy kanale HD të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 30 dhe 31 në listën e kanaleve, si dhe përmbledhjen javore në kanalin TOP Channel.
