Janë mbyllur tri ndeshjet e sotme në kuadër të Superligës së Kosovës në futboll.

Në kuadër të javës së 11-të, tri ndeshje interesante u zhvilluan sot në Merdare, Gjilan dhe Malishevë, shkruan FrontOnline.

Në Merdare, Drita ka regjistruar fitore të vështirë ndaj Llapit me rezultat, 1:3.

Fazliu (‘5), Simonovski (’34, ’72) i shënuan golat e fitores për Dritën, kurse për Llapin realizoi Shillova (’45).

Nga ana tjetër, Gjilani e ka marrë një fitore tejet të rëndësishme në shtëpi ndaj Feronikelit.

Skuadra e Ismet Munishit e ka mposhtur Feronikelin me rezultat minimal, 1:0, ku golin e vetëm e shënoi Blerim Krasniqi në minutën e 67-të.

Për fund, Ulpiana i është “hakmerrur” Malishevës duke e mposhtur si mysafir me rezultat 1:2.

Santos (’15) dhe Shala (’52) i shënuan golat e fitores për Ulpianën, teksa golin e nderit për vendasit e realizoi Olluri (’89)./FrontOnline/