Klubi më i madh në vend, Prishtina është duke shkuar drejt shlyerjes së borxheve ndaj disa ish-futbollistëve të skuadrës, raporton FrontOnline.

Futbollistët Armend Thaqi, Labinot Ibrahimi, Ahmet Haliti, Meriton Korenica, Diar Miftaraj dhe Ahmed Januzi kishin paditur Prishtinën për mos-shlyerjen e borxheve.

Megjithatë, kur jemi para procesit të licensimit për garat ndërkombëtare, Prishtina e ka bërë një lëvizje të shpejtë.

FrontOnline mëson se Prishtina ua ka shlyer borxhin futbollistëve si Armend Thaqi, Diar Miftaraj dhe Ahmed Januzi.

Por, treshja në fjalë e kanë bërë edhe një gjest të mirë, duke ia falur një pjesë të borxhit klubit nga Prishtina.

Ndërkaq, Ahmet Haliti, Meriton Korenica dhe Ahmed Januzi ende nuk i kanë marrë paratë, por që shumë shpejt pritet të “barazohen” me ish-klubin e tyre.

Këto borxhe ishin me rastin e nënshkrimit të kontratës si dhe premio të triumfit në Kupën e Kosovës vitin e kaluar./FrontOnline/