Mbrëmë është sulmuar fizikisht gazetari Visar Duriqi nga tre persona të maskuar.

Sulmi ka ndodhur në hyrjen e banesës së tij, deri sa Duriqi ka marrë lëndime në hundë dhe i janë thyer disa dhëmbë.

E, sot pas trajtimit që Duriqi ka marrë në QKUK, ka reaguar përmes një postimi në profilin e tij në Facebook, duke thënë se ata që e kanë porositur këtë sulm nuk e frikësojnë.

Sipas tij, më këtë çështje duhet të merret Policia dhe Prokuroria.

Postimi i tij i plotë pa ndërhyrje:

Ne pamundesi per me iu pergjigj te gjithe miqve qe jane interesuar sot per mua, dhe ne pamundesi per ti falenderuar te gjithe: Une jam ne gjendje stabile me shendet. Sa i perket sulmit dhe tre personave qe e kane kryer ate mbrem pas mesnates, ajo eshte çeshte qe i takon Policise dhe Prokurorise. Ata, deri tash po bejne cdo gje qe eshte e mundur me aq sa lejon ligji.

Ata qe e kane porositur kete sulm, e qe per momentin ende nuk i di se kush jane, duhet ta dijne qe nje hunde dhe disa dhembe te thyer nuk eshte qe na frikesojne. Pas stabilizimit me gjendjen shendetesore kthemi qaty ku e kemi lane, me Insajderi dhe InDoks  per me raportu njejte si me heret. Sikur nuk ka ndodhur asgje.

Miq, faleminderit edhe nje here per kujdesin./Front Online/