Kryetari i Aleancës përArdhmërinë e Kosovës, Ramush Haradinaj ka vazhduar viziten e tij në Komunën e Rahovecit, ku edhe ka takuar strukturat e degës së Aleancës, shkruan Front Online.

Përmes llogarisë së tij në Facebook ai ka thënë se programi i AAK’së po i ofron shpresë dhe siguri qytetarëve.

Postimi i plotë:

Përkrahja për Aleancën po vazhdon të rritet. Programi i saj po iu ofron shpresë dhe siguri qytetarëve, për tejkalimin e krizës ekonomike të shkaktuar nga pandemia dhe zhvillimin e mëtutjeshëm të vendit.

Në vazhdim të vizitës në Komunën e Rahovecit, takova strukturat e degës së Aleancës, të cilat listën tonë për zgjedhjet e 14 shkurtit e kanë pasuruar me kandidatët: Bjondina Kleçka, Berat Duraku, Fatmir Iska dhe Mahmut Morina.

Shpjegova vizionin tim për Kosovën e sigurt me ushtri të fortë të rreshtuar përkrah ushtrive të NATO-s dhe pozicion serioz të vendit tonë në rajon e më gjerë.

Takimin përmbyllës e zhvillova në fshatin e qindra të rënëve për liri, në Krushën e Madhe, ku dhembja dhe krenaria jetojnë bashkë. Rahoveci qëndron fuqishëm përkrah vlerave që përfaqëson Aleanca! RH

https://www.facebook.com/RamushHaradinajOfficial/posts/2393708050753595