Shërbimi i Zjarrfikësve në Tasmani ka të angazhuar më pak se pesë për qind gra.
Ato që janë pjesë e shërbimit thonë se kultura ka ndryshuar dhe se është koha për gratë që të bashkohen në radhët e zjarrfikësve.
Ema Weitnauer që dhjetë vjet është pjesë e minoritetit të zjarrfikëseve.
“Kur fillova punën kisha vështirësi me një pajisje dhe një zjarrfikës veteran më tha: ‘Për këtë shkak gratë nuk duhet të jenë zjarrfikëse”
Vetëm 15 nga 300 zjarrfikësit e Tasmanisë janë gra.
Mirëpo Weitnauer thotë se kultura në vendin e punës ka ndryshuar.
Është duke u stërvitur që të jetë shefe e brigadës së zjarrfikësve dhe do t’i prijë ekipit të parë të zjarrfikëseve.
Shefi i brigadës, Chris Arnol thotë se çdo ditë e më shumë gratë janë të interesuara për të punuar si zjarrfikëse.
“Ka niset të zhduket ideja se zanati i zjarrfikësit është për burrat dhe tani po shohim se gratë janë në gjendje të jenë zjarrfikëse të mira po aq sa burrat”.
Weitnauer u ka bërë thirrje grave që të aplikojnë për pozitën e zjarrfikëseve, ndërkaq është e mendimit se shkaku i vështirësive fizike të zjarrfikësve gratë mendojnë se nuk është puna e duhur.
Shërbimi i Zjarrfikësve të Tasmanisë në krejt fushatat reklamuese ka angazhuar gratë me qëllim që të inkurajojë të tjerat për t’u bërë pjesë e ekipit.