Kandidati i Lëvizjes Vetëvendosje për kryetar të Podujevës, Shpejtim Bulliqi thotë se votoi për të ardhmen e komunës së Podujevës.

Bulliqi ftoi qytetarët të votojnë për të ardhmen e tyre, raporton Gazeta Blic.

Ai thotë se sot është vota e barabartë dhe prandaj sa më shumë persona duhet ta shfrytëzojnë të drejtën e votës që edhe të ketë më shumë legjitimitet.

Bulliqi ftoi pjesëmarrësit, komisionerët e vëzhguesit të bëjnë punën me korrektës që procesi të shkoj mirë.

“Bashkë me bashkëshorten e kryejta obligimin qytetar. E dhash votën për të ardhmen e komunës tonë. Ftoj qytetarët të votojnë për të ardhmen e tyre. Sot janë të barabartë të gjithë, ta shfrytëzojnë ditën të votojnë sepse vota është e barabartë. Ftoj të gjithë ta bëjnë punën me korrektësi dhe që procesi të shkoj mirë. Shpresoj që të fitoj më i miri, sa më shumë të dalin qytetarë në votim aq më shumë legjitimitet ka“, thotë Bulliqi.

Kandidat për kryetar të komunës së Podujevës janë: Nexhmi Rudari nga LDK, Shpejtim Bulliqi nga LVV dhe Naim Fetahu nga PDK.