Është raportuar se gjatë qëndrimit të Hysni Gucatiti në dhomën e paraburgimit të Gjykatës Speciale në Hagë, i njëjti ka pasur probleme shëndetësore, raporton Front Online.
I pari i veteranëve ka probleme me astmën, diabetin si dhe shtypjen e lartë të gjakut.
Madje në seancën ndaj Gucatit, Jonathan Ellison Rees, mbrojtës i kreut të OVL-UÇK-së, ka kërkuar lirimin me kusht të klientit të tij.
Lidhur me këtë çështje janë deklaruar edhe nga Gjykata Speciale.
Zyrtarë të kësaj Gjykate, kanë thënë për Front Online, se nuk mund të japin informacione konkrete mbi gjendjen e Gucatit, mirëpo të njëjtit pohojnë se gjendja e të gjithë të paraburgosurve është thelbësore dhe e mbrojtur në çdo kohë.
“Për arsye të privatësisë dhe parimit të konfidencialitetit të informacionit mjekësor, Dhomat e Specializuara të Kosovës nuk japin informacione mbi shëndetin e personave në kujdestari të tyre. Si çështje e përgjithshme, shëndeti dhe mirëqenia e të gjithë të paraburgosurve është thelbësore dhe e mbrojtur në çdo kohë”, kanë thënë për Front Online, zyrtarë nga Gjykata Speciale.
Zyrtarë nga Dhomave të Specializuara në Hagë, kanë thënë për Front Online se kanë një mjek të kualifikuar mjekësorë që është në dispozicion në raste urgjence.
“Një zonë e caktuar brenda mjediseve të paraburgimit është e pajisur dhe mobiluar në mënyrë të përshtatshme për sigurimin e kujdesit dhe trajtimit mjekësor. Kujdesi mjekësor special është gjithashtu në dispozicion për të paraburgosurit. Pas mbërritjes në objektet e paraburgimit, një i paraburgosur merr një ekzaminim të plotë mjekësor dhe siguron numrat e kontaktit të urgjencës. Në çdo kohë, një mjek i kualifikuar mjekësor është në dispozicion pa vonesë, në rast urgjence. Një oficer i paraburgimit i aftë të sigurojë ndihmën e parë është gjithashtu i disponueshëm në çdo kohë”, thuhet në përgjigjen e tyre për Front Online.
Sa i përket mundësisë së lirimit të tyre nga paraburgimi, nga Gjykata Speciale kanë thënë për Front Online, se tani i takon gjykatësit të vendos për këtë çështje.
“Avokati mbrojtës për z. Gucati dhe z. Haradinaj kanë ngritur propozime, përfshirë edhe lirimin e të dyshuarve. Gjykatësi kërkoi nga Prokuroria që të paraqesë përgjigjen e tyre ndaj këtyre mocioneve. Tani i takon gjyqtarit të vendosë për këto mocione”, thuhet të përgjigjet e Speciales për Front Online.
