Deputeti Etem Arifi është dorëzuar në Qendrën e Paraburgimit në Hajvali.
Këtë e kanë konfirmuar për FrontOnline nga Shërbimi Korrektues i Kosovës.
“Sapo kontaktova me qendrën në Hajvali dhe me treguan se personi në fjalë është paraqitur atje”, ka thënë përmes telefonit zëdhënësi, Florent Gashi.
Deputeti i Partisë së Ashkalinjëve për Integrim është i dënuar nga gjykata, por që deri tash nuk i është përgjigjur organeve të drejtësisë për ta vuajtur dënimin.
