Gjatë vizitës në stacionin policor në ‘Gjorçe Petrov’, ministri i Punëve të Brendshme, Oliver Spasovski foli edhe për incidentet e ‘Komitëve’ që ndodhën këto javë.

“MPB reagoi shpejt me zbardhjen e rasteve, tani është radha e prokurorisë. Janë identifikuar pjesëmarrësit për këtë ngjarje. Ngritëm kallëzime penale, që do të thotë se jemi të vendosur se nuk do ta tolerojmë gjuhën e urrejtjes”, tha Spasvoski.

Nga policia bënë të ditur se në polici janë marrë në pyetje 16 persona dhe se do ta zgjidhin rastin e njëjtë për incidentin më 13 shtator.

Ndryshe, gjuha e urrejtjes së tifozëve maqedonas në Shkup nuk është diçka e re, ata vazhdimisht kanë bërë thirrje raciste ndaj shqiptarëve.