Ministrja e Punëve të Jashtme dhe Diasporës Meliza Haradinaj Stublla ka pritur sot në një takim zyrtar ambasadorin e Shqipërisë në Kosovë Qemal Minxhozi.

Ministrja Haradinaj dhe ambasadori Minxhozi kanë biseduar për përgatitjet para mbledhjes së dy qeverive, takim ky që do mbahet me 2 tetor.

“Diskutuam për bashkërendimin e ngushtë para mbajtjes së mbledhjes së dy Qeverive me 2 Tetor, si dhe iniciativa tjera që do t’i konkretizojmë në të ardhmen e afërt” shkruan Haradinaj në Facebook.

Postimi i plotë:

Në një takim të përzemërt prita sot Ambasadorin e Shqipërisë në Kosovë, z.Qemal Minxhozi.

Diskutuam për bashkërendimin e ngushtë para mbajtjes së mbledhjes së dy Qeverive me 2 Tetor, si dhe iniciativa tjera që do t’i konkretizojmë në të ardhmen e afërt.