×
  • Bota/Rajoni
  • Bota/Rajoni

    Kryetari i Vjenës kaloi ditën duke pastruar rrugët e qytetit

    FrontOnline
    22 Shtator 2020

    Kryetari i Vjenës, Michael Ludwig, e ka kaluar ditën e djeshme me punëtorët e kompanisë komunale të pastrimit të rrugëve (MA48) të qytetit.

    Kryetari i Bashkisë së Vjenës e kishte filluar ditën e hënë në orën 6 të mëngjesit duke mbledhur mbeturina dhe duke pastruar rrugët e qytetit, të cilin e udhëheq që prej 4 vjetëve.

    “Mendoj se është mbresëlënëse ajo çfarë bën MA48. Gjithmonë më ka pëlqyer fakti që ka njerëz të vullnetshëm dhe që punojnë nat e ditë që të bëjnë Vjenën një nga qytetet më të pastra në botë”, tha Michael Ludwig.

    Njerëzit ishin të habitur kur shihnin kryetarin duke bartur karrocat e mbeturinave nga oborret e shtëpive apo rrugëve të lagjeve, raporton Krone zeitung.

    “Ngjyra e portokalltë po ju rri shumë mirë, zotëri kryetar”, i tha një grua.

    Kryetari Ludwig (SPÖ), i cili kandidon për mandatin e dytë të Vjenës, ditën e punës e përfundoi në orën 14.00. “Punonjësit e MA 48 janë si heronjtë e rrugës”, u shpreh ai. “Ishte rraskapitëse, duhet të kesh kujdes gjithashtu që të mos lëndohesh. Por ishte bukur. Puna ekipore ishte e shkëlqyeshme”.

    Ai falënderon punonjësit të cilët punën e tyre e kryejnë me nder: “Turni ynë ishte përreth zonës së Danubit dhe mund të them vetëm se për këta njerëz të zellshëm dhe punëtorë: E heqë kapelën! Jam krenar që jam kryetar i qytetit të Vjenës, ku mbledhja e mbeturinave dhe pastrimi i qytetit funksionon aq mirë. Falënderoj punonjësit e MA48, puna e përditshme e të cilëve jep një kontribut të madh në mbrojtjen e klimës”, ka shkruar ai në Facebook.

    Siç ka informuar Albinfo Austria ditë më parë, zgjedhjet për Bashkinë e Vjenës do të mbahen me 11 tetor. Michael Ludwig nga partia SPÖ kandidon përsëri dhe është favorit për të fituar edhe një mandat të ri si kryetar i Vjenës.

     

    Nga Rubrika
    Bota/Rajoni17 Korrik 2025
    Vrasja e 23-vjeçarit Renis Dobra, ngjarje e ndodhur pak ditë më parë, tronditi opinionin publik kur i riu pasi u rrëmbye dyshohet...
    Bota/Rajoni16 Korrik 2025
    Qeveria e Shqipërisë ka miratuar sot hapjen zyrtare të pikës së kalimit kufitar në Aeroportin Ndërkombëtar të Vlorës (VIA), duke i çelur...
    Bota/Rajoni16 Korrik 2025
    Në një dekret të 14 korrikut që rezulton dhe i fundit i firmosur nga Presidenti i Shqipërisë, Bajram Begaj, rezulton se është...
    Të tjera
    Lajme16 Korrik 2025
    Të enjten parashikohet fillimisht mot me diell dhe vranësira, i cili në orët vijuese të ditës do të pasohet nga një front...
    Bota/Rajoni16 Korrik 2025
    Në një dekret të 14 korrikut që rezulton dhe i fundit i firmosur nga Presidenti i Shqipërisë, Bajram Begaj, rezulton se është...
    Lajme16 Korrik 2025
    Kulmet e dy ndërtesave në lagjen e Muhaxherëve, në afërsi të Parkut të Qytetit,  Prishtinë janë përfshirë sonte nga zjarri, duke shkaktuar...
    Lajme16 Korrik 2025
    Një tërmet u ndje pak minuta më parë në Viti. “Një tërmet u regjistrua pak më parë në orën 22:43 në rrethinën...
    Bota/Rajoni16 Korrik 2025
    Franca dhe Italia nuk do të marrin pjesë në iniciativën e re të NATO-s për financimin e furnizimit me armë amerikane për...
    Bota/Rajoni16 Korrik 2025
    Ka vdekur Sefer Idrizi, njëri ndër pacientët më jetëgjatë në botë, nën trajtim hemodialize. Ish-profesori i gjuhës maqedonase, u nda nga jeta...
    -->

    FrontOnline, © 2025 Të gjitha të drejtat e rezervuara.