Politikani malazez me gjak shqiptar, Dritan Abazoviç, “njeriu i ditës” në Mal të Zi pas zgjedhjeve të para dy javëve, është bërë faktori më i rëndësishëm për formimin e qeverisë së re. Kjo e fundit i përket linjës proserbe, pasi do jenë ato forca opozitare që prej vitesh kanë tentuar të vijnë në pushtet.

Dihet pak për jetën private të 35-vjeçarit nga Ulqini, një student i Sarajevës, përveç faktit se vëllai dhe motra e tij janë mjekë të shquar në Beograd.

Disa muaj më parë, Dritan Abazoviç publikoi një video të babait të tij duke kënduar në një festë në një lokal të Ulqinit. Fjala është për 4 marsin e vitit 1989, pra fundit të epokës së Jugosllavisë.

“Bohemistët ulqinakë dhe babai im Big Joe”, shkroi Dritan, duke shtuar: “Një kujtim i bukur i disa kohërave të arta”.

Ky përjetim i tij lidhet me frymën e tij politike, qartazi jugosllave.

Ndërkohë, babai tij e të tjerët aty ja marrin disa këngëve, të gjitha puro shqiptare, më saktë shkodrane.

https://twitter.com/basxmacxkin/status/1304742615854841858