Ndonëse bartja e maskës është obligative në Kosovë, ky urdhër nuk është që po respektohet shumë, madje as nga kryetarët e komunave, shkruan Front Online.

Është kryetari i Komunës së Shtimes, Naim Ismajli ai që po i thyen këto rregulla.

Ismajli ka publikuar dy fotografi në të cilat shihet qartë se ka shkelur rregullat anti-covid, duke mos përfillur distancën sociale e madje duke mos vendosur as maskën.

Këtë postim Ismajli e bëri në faqen e tij zyrtare në Facebook, gjersa po rrëfente për vazhdën e punimeve në njërin nga projektet që po realizon kjo komunë./Front Online/