Pjesëtarët e Policisë së Kosovës që disa muaj janë duke punuar me orar të zgjatur për shkak të pandemisë COVID-12.

Mirëpo pavarësisht orarit 12 orësh, ata në muajin e fundit nuk janë paguar për orët shtesë. Nuk dihet arsyeja, mirëpo është parë një pakënaqësi të shumë zyrtar policor.

Sigurimin shëndetësor dhe aksidental (në formë alternative), ngritja e pagës për punonjësit e Policisë së Kosovës në të gjitha nivelet, pagesa e pakos emergjente prej 300 (treqind eurove) gjatë pandemisë, pagesa e shujtës ushqimore dhe pagesa e ndërrimit të natës (pagesa/rritja shtese e ndërrimit të natës).

Pasi që Sindikata e PK-së deri më tani nuk ka marrë asnjë përgjigje zyrtare nga Qeveria dhe Ministria e Punëve të Brendshme rreth kërkesave të ngritura, është duke shqyrtuar mundësitë edhe të organizimit të protestës.

Burimet e IndeksOnline brenda Sindikatës së PK-së kanë thënë se javën e ardhshme do të vendosin përfundimisht se cilët hapa do t’i ndjekin drejt realizimit të kërkesave të tyre.

“Siç e dinë të gjithë, Policia e Kosovës që nga fillimi i kohës së pandemisë për shkak të virusit COVID 19, janë duke punuar me orare të ndryshme përfshirë orarin 12 orësh, duke mos kursyer as shëndetin e tyre dhe të familjeve të tyre, ku kemi një numër të konsiderueshëm edhe të vet zyrtareve që kanë rezultuar pozitiv me virus, vetëm e vetëm që të mbajnë rend e qetësi publike dhe të dalin në mbrojtje të shëndetit publik, përderisa në anën tjetër nuk janë përmbushur dhe realizuar kërkesat e drejta të ngritura nga ana e Sindikatës së PK-së”, kanë thënë në Sindikatën e PK-së.