×
  • Lajme
  • Lajme

    Imami prizrenas dhe xhemati i tij sfidojnë shtetin dhe BIK’un, falin Kurban Bajramin në Xhami

    FrontOnline
    31 Korrik 2020

    Ndonëse Bashkësia Islame e Kosovës ka pezulluar për 10 ditë faljen në Xhami, përfshirë edhe faljen e Kurban Bajrmait, imami i një xhamie në Prizren bashkë me xhematin e tij nuk e kanë respektuar.

    Në fshatin Billushë të Prizrenit, të premten, është falur Kurban Bajrami brenda në Xhami.

    Gazeta Online ‘Reporteri.net’ ka siguruar video nga kryerja e këtyre riteve fetare sot në xhami, përkundër se shteti ka ndaluar aktivitete te tilla për të parandaluar përhapjen e Coronavirusit, që çdo ditë e më shumë po jep shifra shqetësuese në vend.

    Siç shihet në pamje, të pranishmit në Xhami janë munduar ta respektojnë distancën mes vete, gjatë faljes së Kurban Bajramit, por jo të gjithë mbajnë masat në fytyrë.

    Pamjet janë shpërndarë në rrjete sociale, nga një i pranishëm sot në ritet fetare myslimane që shënojnë festimin e Kurban Bajramit.

    Por është imami i xhamisë, i cili gjatë ligjërimit nuk mbanë fare maskë në fytyrë, përkundër se bashkë me një numër të madh besimtarësh ndodhet në një ambient të vogël dhe të mbyllur.

    Falja e Kurban Bajramit në Xhami, sikurse kryerja e secilit aktivitet fetar në këto objekte, për 10 ditë janë pezulluar edhe me urdhër të nxjerrë nga BIK-u të enjten. Njoftimin për këtë e ka dhënë vetë myftiu Naim Ternava i cili ka bërë thirrje nga qytetarët që ta ruajnë karakterin festiv por të shmangin vizitat familjare.

    “BIK duke analizuar situatën njoftojmë se nesër pezullohet falja e namazit të Bajramit dhe për 10 ditë pezullohen faljet nëpër të gjitha xhamitë e Kosovës. Pandemia ka çrregulluar rrjedhën normale të jetës edhe tek ne. Këtë Bajram e presim në gjendje të rënduar. Situata ditëve të fundit paraqitet e vështirë dhe nga ne kërkohet që ta ruajmë shëndetin publik, t’i respektojmë masat që sa më lehtë të kalojmë këtë gjendje. Ju ftoj ta ruajmë karakterin festiv të festës por të kemi më shumë solidaritet, sidomos me ata që kanë humbur jetën nga Covid-19. Festa e Bajramit tek ne është festa më popullore, si në asnjë festë tjetër, kjo festë shënohet me vizita tek familjet, por jo edhe kësaj radhe. Ju ftoj të shmangim vizitat e përshëndetjet tradicionale me dorë e përqafime”, ka thënë Tërnava në mesazhin e tij.

    Ndryshe, kjo nuk është hera e parë që gjatë këtyre muajve lufte me pandemi institucionet fetare kanë sfiduar shtetin dhe rrezikuar shëndetin publik me mbajtjen e aktiviteteve të tyre në objekte fetare, përkundër se një gjë e tillë ka qenë e ndaluar me vendim të Qeverisë së Kosovës.

    Nesër këto zona do të mbesin pa rrymë deri në 7 orë
    Nga Rubrika
    Lajme30 Prill 2024
    Drejtori i Institutit KIPRED, Lulzim Peci, ka thënë se nëse draft statuti i Asociacionit nuk dërgohet në Gjykatën Kushtetuese para 16 majit,...
    Lajme30 Prill 2024
    Presidenti i Kinës, Xi Jinping do të nis një udhëtim në Evropë, ku do të vizitojë Francën, Serbinë dhe Hungarinë. Për vizitën...
    Lajme30 Prill 2024
    Sekretarja e Përgjithshme e Partisë Demokratike të Kosovës, Vlora Çitaku, është shprehur e bindur se kandidati i tyre Bedri Hamza do të...
    Të tjera
    Lajme30 Prill 2024
    Sekretarja e përgjithshme e PDK-së, Vlora Çitaku, deklaroi se kushdo që sot thotë që Kosova ka më shumë sovranitet në veri të...
    Bota/Rajoni30 Prill 2024
    Turizmi malor dhe investimet për rigjallërimin e tij vijojnë të mbeten një prioritet, tashmë i përforcuar me një paketë të re të...
    Lajme30 Prill 2024
    Ish ministri i Punëve të Jashtme, Enver Hoxhaj sociacionin e ka quajtur “përbindësh”. “Pjesa e fundit e kushtëzimit është ai neni 7...
    Sport30 Prill 2024
    Sulmuesi i Përfaqësueses së Kosovës, Edon Zhegrova, është nominuar për çmimin e futbollistit më të mirë të vitit në elitën e futbollit...
    Lajme30 Prill 2024
    Nënkryetar i Lidhjes Demokratike të Kosovës (LDK), Lutfi Haziri, ka thënë se kryeministri i Kosovës, Albin Kurti, nuk dëshiron zgjedhje. Ai ka...
    Lajme30 Prill 2024
    Kryeministri i Malit të Zi, Milojko Spajiq, ka thënë se vendi i tij nuk do të merret me çështjen e njohjes së...

    FrontOnline, © 2024 Të gjitha të drejtat e rezervuara.