Uganda ka regjistruar vdekjen e parë nga Covid-19, sipas Ministrisë së Shëndetësisë të vendit, raporton CNN.
Seychelles dhe Eritrea tani janë vendet e vetme në Afrikë që nuk kanë raportuar një vdekje nga Covid-19, sipas të dhënave të Universitetit John Hopkins.
Pacientja ishte një grua 33-vjeçare Ugandane, nga rrethi Namisindwa, e cila u pranua në spital më 15 korrik dhe u trajtua për pneumoni të rëndë pasi vuajti simptomat Covid-19.
Ajo vdiq në 21 korrik, tha Ministria e Shëndetësisë në Twitter të enjten.
Deri më tani 30 nga kontaktet e saj janë gjurmuar dhe vendosur nën karantinë nga autoritetet lokale të shëndetësisë, tha ministria. Ata do të monitorohen për 14 ditë dhe do të testohen për virusin.
