Paralajmërimi për shpalljen e gjendjes së jashtëzakonshme në vend si pasojë e koronavirusit i ka frikësuar bizneset.
Më pak të hyra e në prag të falimentimit shkaku i pandemisë, janë shume biznese në Gjilan.
Komuna e Gjilanit thotë se mbyllja eventuale e sërishme e ekonomisë do ta përkeqësonte gjendjen në vend.
Këtë vit kjo komunë ka 800 mijë euro të hyra më pak krahasuar me periudhën e vitit të kaluar.
Drejtori i Shëndetësisë, Selami Xhemaili, ka theksuar se shteti duhet të shtojë mbikëqyrjen dhe kapacitetet shëndetësore.
Kundër paralajmërimit të Qeverisë Hoti për shpalljen e gjendjes jashtëzakonshme ishin edhe në Lëvizjen Vetëvendosje.
Deputetja Fatmire Kollçaku ka kritikuar LDK-në për qasjen e saj ndaj menaxhimit me situatën e krijuar nga koronavirusi.
Kryeministri Avdullah Hoti, pas mbledhjes së Këshillit të Sigurisë ka thënë se aktualisht do të nisin me masa rigoroze të mbikëqyrjes për të parandaluar përhapjen e koronavirusit, duke e lënë të hapur mundësinë për shpalljen e gjendjes së jashtëzakonshme.
