Kryeministri i Shqipërisë , Edi Rama, gjatë qëndrimit dy ditorë në Kosovë ka takuar krerët e shtetit dhe liderët e partive politike, raporton Portali FrontOnline.

Sot, gjatë ditës, Rama takimet i ka vazhduar me kryetarin e LDK-së, Isa Mustafa, ndërsa takimi i paraparë me kryetarin e AAK-së, Ramush Haradinajn, është anuluar.
Takimi me kreun e AAK-së është paralajmëruar se do të mbahet në ora 11:00.

Ky anulim vjen pas deklaratës së Haradinajt i cili e ka refuzuar takimin me kryeministrin e Shqipërisë.

“Është e pamundur me u takua i padituri me paditësin. Kjo s’ka kurrfarë logjike. Nuk ndihem mirë që si i paditur të takohem me askënd e as me zotin Edi Rama”, ishte përgjigja e Haradinajt mbrëmë në një televizion pas pyetjes nëse do të pranonte takimin me Ramën

Rama, sot do të takohet edhe me kreun e AKR-së, Behgjet Pacolli dhe kryetarin e Komunës së Prishtinës, Shpend Ahmetin.