Qipro ka lehtësuar më tej kufizimet për hyrjen në territorin e saj, duke autorizuar nga sot ardhjen e udhëtarëve nga Franca, Italia dhe Spanja, vende të Bashkimit Europian prekur nga COVID-19, si dhe nga Libani.
Vendi është hapur tashmë për fluturimet nga 30 vende. Aeroportet ishin rihapur duke nisur nga 9 qershori për fluturimet tregtare me 19 vende.
Njëzet e dy vende bëjnë pjesë tashmë në një listë me rrezik të ulët, veçanërisht Greqia, Gjermania, Austria, Bullgaria, Koreja e Jugut dhe Australia.
Dymbëdhjetë vende të tjera, përfshirë Francën, Italinë, Belgjikën, Spanjën, Libanin dhe Izraelit, janë në kategorinë me rrezik më të lartë. Duke nisur nga sot, udhëtarët që mbërrijnë nga këto vende do të duhet të pajisen me një certifikatë që provon se ata janë testuar negativ me COVID-19, 72 orë para udhëtimit. Në mungesë të testit nga vendet e tyre, ata do të testohen pas mbërritjes në ishull.
Britania e Madhe dhe Rusia nuk bëjnë pjesë në këto lista.
“Kjo është një listë dinamike e bazuar në të dhëna epidemiologjike të regjistruara për çdo vend”, nënvizoi ministri qipriot i Shëndetësisë, Constantinos Ioannou, në një konferencë shtypi.
