Aktivisti Rron Gjinovci ka njoftuar se sot është shoqëruar në Polici. Përmes një postimi në Facebook, ka thënë se arsye për këtë shoqërim është ekspozimi, sipas tij, i plagjiaturave të ministrit të Arsimit, Ramë Likaj.

Lidhur me këtë ka reaguar, ish zëvendëskryeministri Haki Abazi, i cili ka kërkuar lirimin e menjëhershëm të Gjinovcit.

“Lirojeni Rron Gjinovcin menjëherë, ai ka ekspozuar plagjiaturat e falsifikimet dhe është model i qytetarisë aktive”.

“Duhet arrestuar njerëzit që janë te lidhur me krimin e organizuar, kontrollin e tregut të sigurimeve, terminaleve doganore, paguesit e ndarjes së vendit, gurthyesit e paligjëshëm, kontrolluesit e mafisë ndërtimore, shpërlarësit e parasë publike, përvetësuesit dhe transformuesit e titullarit të pronës publike, keqpërdoruesit e pozitës zyrtare- praktikisht veten dhe afërmit tuaj”, ka shkruar Abazi në Facebook.