Ministrisë së Drejtësisë të Serbisë i është dorëzuar vendimi pozitiv i Hungarisë që Lubisha Manitasheviqit t’i dorëzohet Prokurorisë për krime lufte në Beograd, bën të ditur agjencia serbe e lajmeve FoNet të premten, transmeton Koha.net.

Sipas njoftimit të Ministrisë, kundër Manitasheviqit zhvillohen hetime për krime të luftës së kryera në Kosovë gjatë viteve të ’90-ta.

Për ekstradimin e tij ka bërë kërkesë edhe Kosova, por Hungaria konsideron se janë përmbushur dispozitat juridike që Manitasheviqi t’i dorëzohet Beogradit dhe Prishtinës, ndërsa ministri hungarez i Drejtësisë ka marrë vendim që ai të ekstradohet në Beograd, transmeton Koha.net.