Me hapjen e kufijve zonat turistike të vendit kanë pasur këtë të djelë më shumë gjallëri. Plazhi i Shëngjinit është frekuentuar më tepër se fundjavat e mëparshme.

“Tani është më mirë, pasi edhe kufiri është hapur. Kemi banesën këtu, kemi një javë që kemi ardhur”, shprehet një pushues.

Një pushues nga Kosova thotë se kanë pak frikë nga covid, por për ti bërë qejfin fëmijëve u detyrua të qëndrojë një ditë.

“Kemi ardhur sot prej dëshirës së madhe, por nuk është situata e duhur. Kanë shumë që duan të vijnë po kanë frikë nga situata e krijuar për shkak të virusit”, shprehet ai.

Ruzhdi Kurtishaj, Kryetar i Kuvendit të OEK-ut dhe të Shoqatës së Transportit rrugor si dhe pronar i kompanisë “Sharr Travel” thotë se autoritetet shqiptare kanë bërë të gjitha parapërgatitjet që turistet nga Kosova të kalojnë sa më mirë në këtë shtet.
Sipas tij, gjatë ditëve që lamë pas kanë nisur grupet e para të turisteve, e që sipas tij gjatë javëve në vijim pritet të ketë fluks të madh të qytetareve nga Kosova që do t’ia mësyjnë bregdetit shqiptar për të kaluar vikendin, ose pushimet verore.
“Kushtet nëpër hotele, por edhe çmimet sivjet janë si asnjëherë më parë. Ne si agjenci në bashkëpunim me partneret tanë në gjithë Shqipërinë, por edhe Malin e Zi kemi bërë të gjitha parapërgatitjet që klientët tanë të kalojnë sa më mirë. Por, për të kaluar pushimin me çmime sa më të volitshme qytetaret duhet sa më parë të rezervojnë  datat e pushimit të tyre në Agjencinë tonë” ka bërë të ditur ai.
Sipas tij, “Sharr Travel” është njëra nga agjencitë më të mëdha në rajon e cila merret ekskluzivisht me turizëm, e ku pjese e flotës janë autobusët me komod në vend.

Ndërsa në bregdetin e Vlorës motit me diell nuk mund t’i rezistonin dot as turistë të huaj, spikatën disa nga Bjellorusia që mbërritën në vendin tonë ditën e premte.

Prej pandemisë jemi pak me vonesë krahasuar me sezonet e mëparshme. Megjithatë kanë mbërritur dhe turistët e parë të huaj.

“Është hera e parë që vizitoj Vlorën. Mendoj se është një qytet i bukur dhe njerëzit janë të këndshëm dhe mikpritës”, shprehet një turiste e huaj.

“Janë pushime të vërteta. Kisha një ëndërr të vija në det se dje kisha ditëlindje dhe doja ta festoja këtu. Ëndrra mu bë realitet”, thotë një tjetër turiste.

Edhe pse nuk ka plazh Voskopoja është një tjetër destinacion ku gjatë fundjava preferohet nga turistët.

Sot ka marrë gjallëri si i ka hije Voskopojës. Janë turistë që kanë mbërritur nga qytet të ndryshme të Shqipërisë.

Pushuesit pas disa muaj të izoluar prej pandemisë thotë se po kënaqe në këtë pikë turistike dhe po përpiqen të mbrohen e të mbajnë distancë.

“Jemi çlodhur pak, se ishim mbyllur edhe për shkak të pandemisë”, tregon një pushuese.

Gjithsesi krahasuar me të njëjtën periudhë të një viti më parë rënia e numrit të pushuesve është e dukshme si në det ashtu dhe në mal.