Vetëvendosja e luti Partinë Demokratike të Kosovës për koalicion pas rrëzimit të Qeverisë.

Por kjo lutje e tyre u refuzua.

Kështu të paktën tha për Front Online, deputeti i PDK-së, Kujtim Gashi.

“Gjithsesi, pas rënies se Qeverisë kemi pasur ta quaj ashtu ‘msit’ për të hyrë bashkë me Vetëvendosjen, por natyrisht nuk kemi pranuar as të takohemi. Derisa nuk mbahen zgjedhjet e lira nuk do të jemi pjesë e asnjë partie”, tha ia për Front Online.

Deputeti i PDK-së: Qeveria “Kurti” i keqpërdori mjetet e Pakos Emergjente, i alokoi te aktivistët e Vetëvendosjes

Gjuha ofenduese që Vetëvendosja drejtoi për vjet me radhë kah PDK-ja, Gashi thotë se e ka dëmtuar mundësinë e një koalicioni të mundshëm në këtë fazë mes dy partive.

“Nuk mund të flas për një të ardhme pas disa vitesh, por për këtë fazë PDK-ja është e lënduar nga të gjitha subjektet që kanë përdorë gjuhë ofenduese edhe kanë vendosur vija të kuqe dhe ne natyrisht do të qëndrojmë ne ato pozicione”, pohoi ai për Front Online.

Deputeti i PDK-së: Jemi kundër Qeverisë Hoti, është vazhdimësi e keqqeverisjes “Kurti”