Në Laboratorin e Mikrobiologjisë Molekulare në Institutin Kombëtar të SHëndetësisë Publike të Kosovës (IKSHPK) me metodën RT-PCR nga 08 shkurti tashmë janë zhvilluar mbi 17 mijë testime për Coronavirus, raporton Front Online.

Aktualisht në Kosovë tani janë edhe 354 raste aktive me COVID-19.

Instituti Kombëtar i Shëndetësisë Publike bëri të ditur nga data 08 shkurt deri më 10 qershor, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 17.479 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.298 raste, me gjithsej 31 raste të vdekjes të cilët kanë pasur sëmundje të tjera shoqëruese.

Në ndërkohë dje, më 10 qershor 2020, është shëruar 1 pacient derisa numri i përgjithshëm i të shëruarve deri më sot është gjithsej 913 raste.

Komuna më e prekur nga koronavirusi është Vushtrria, e cila ka 123 raste aktive, pastaj është Prizreni dhe Ferizaj./Front Online