Sot bëhen 21 vite që nga rënia heroike e dëshmorit të kombit, Jeton Dedushaj.
Dedushaj ra heroikisht në betejën e 5 qershorit të ndodhur në vijën e parë të frontit Lumbardh-Pozhar.
Të njëjtën ditë, ai ishte varrosur me nderime të larta për veprën e tij.
Më 24 gusht 1999, trupi i tij u rivarros në Kompleksin Memorial të Dëshmorëve të Kombit në Gllogjan, ku prehet edhe sot e kësaj dite përkrah heronjve Luan e Shkëlzen Haradinaj, Edmond Hoxhës, Gazmend Mehmetaj, Skënder Çekut, Halit Cokës e shumë të tjerëve.
Dedushaj me prejardhje ishte nga fshati Vuthaj i trevës së Plavës dhe Gucisë në Mal të Zi, krahinë kjo e banuar me shqiptarë.
