Ambasadori italian në Kosovë, Nicola Orlando ka njoftuar se pasnesër do të zhvillohet fluturimi i parë direkt nga Kosova për në Itali.
Ambasadori Orlando ka shkruar në Twitter se fluturimi direkt nga Kosova për në Itali është lajm i jashtëzakonshëm.
“Lajme të mrekullueshme. Ne kemi kapërcyer vështirësitë dhe fluturimi i parë direkt nga Kosova për në Itali do të niset më 21 maj. Gjatë karantinës ne kemi siguruar kthimi nga Tirana të të gjithë italianëve që kanë kërkuar asistencë. Kjo do të bëjë gjërat më të lehta, përfshirë edhe punëtorët kosovarë për t’u kthyer në punët e tyre”, ka shkruar Ambasadori italian.
Aeroporti Ndërkombëtar i Prishtinës, ka njoftuar po ashtu se gjatë ditëve të ardhshme do të realizohen edhe tri fluturime tjera nga Prishtina për në Zurich, Dusseldorf dhe Stuttgart.
Great news! We overcame all hurdles & first direct flight #Kosovo to #Italy departs 21 May.
During lockdown we ensured return via Tirana of ALL Italians who asked assistance. This will make things easier, including for Kosovan workers going back to their jobs!#Restart
?????? pic.twitter.com/d9KkG4G9K4
— Nicola Orlando (@nicolaorlando) May 19, 2020
