Kryeministri në detyrë, Albin Kurti, pas mbledhjes së Qeverisë e cila zgjati 3 orë, ku u prezantua puna 100 ditëshe e ekzekutivit, ka mbajtur konferencë për medie, raporton Front Online.

Kurti ka rënditur, siç ka thënë ai, sukseset e qeverisjes së tij.

Ai ka përmendur numrin e zvogëluar të kabinetit të tij, uljen e pagave të qeveritarëve si dhe menaxhimin e pandemisë Covid-19 që siç ka thënë ai, ishte shembullor.

Ai këtë 100 ditësh e ka ndarë në dy periudha, 50 ditëshi i parë me qeveri me mandat të plotë, dhe tjetri pas mocionit të 25 marsit.

“Zvogëlimi i kabinetit qeverisës, ulja e pagave të qeveritareve dhe shkarkimi i bordeve, ndalimi i kontratat lobuese, menaxhimi shembullor i pandemisë dhe pakoja fiskale emergjente, fillimi i reciprocitetit me Serbinë, donacioni për Preshevën Medvegjën dhe Bujanovcin, vazhdojmë”, ka thënë Kurti.

I pyetur nëse ka pasur dështime gjatë qeverisjes së tij, Kurti është arsyetuar duke thënë se ka qëllime që nuk i ka realizuar.

“Ka qëllime që nuk i kemi realizuar mirëpo nuk janë dështime. Ka pasur shumë elemente, mina në rrugëtimin tonë 100 ditor, mirëpo ja kemi dal shumë mire”, deklaroi i pari i ekzekutivit.

Ai ka falënderuar secilin ministër të Qeverisë së tij që siç ka thënë ai kanë qenë shembullor në punën e tyre./FrontOnline/

https://www.facebook.com/FrontOnlineMedia/videos/606482233299345/